Windows Product Key

நம்மில் அநேகமானோர் விண்டோஸ் இயங்குதளத்தில் பணியாற்றுபவர்கள். எனவே Windows Product Key சம்மந்தாகத் தெரிந்து கொள்ள வேண்டும். 

எமது கணினியில் நிறுவப்பட்டுள்ள விண்டோஸ் இயங்கு தளத்தின் Product Key ஐ எவ்வாறு அறிந்து கொள்வது?

சாவிப்பலகையில் (Keyboard) விண்டோஸ் சாவியையும் R ஐயும் அழுத்தி Command Prompt இற்குள் நுழைந்து கொள்ளுங்கள். அதில் wmic path softwareLicensingService get OA3xOriginalProductKey என type செய்யுங்கள். அதில் உங்கள் விண்டோஸின் Product Key காட்டப்படும். 

Windows Product Key வகைகள்

Windows Product Key மூன்று வகைகளில் கிடைக்கின்றது. அவை ஒவ்வொன்றும் வித்தியாசமான பாவனைகளையும் வரையறைகளையும் கொண்டது. அவை மூன்றையும் இப்போது பார்ப்போம்.

1. OEM Key (Original Equipment Manufacturer)

நீங்கள் புதிதாக ஒரு கணினியை Dell, HP, Lenovo போன்ற உற்பத்தியாளர்களிடம் இருந்து வாங்குகின்ற போது அந்தக் கணினியுடன் வருபவை இந்த வகையைச் சேர்ந்தவை. இதனை இன்னொரு கணினிக்கு மாற்ற முடியாது. ஏனெனில் இவை ஆரம்பத்திலேயே Mother Board உடன் இணைக்கப்பட்டு வருகின்றவை. ஆனால் அதே கணினிக்கு மீண்டும் நிறுவ முடியும். ஒப்பீட்டளவில் இவை விலை குறைந்தவை . ஏனெனில் மொத்தமாக Microsoft நிறுவனத்திடம் இருந்து Dell, HP, Lenovo போன்ற கணினி உற்பத்தியாளர்களுக்கு விற்கப்படுபவை. கணினி உற்பத்தியாளர்களினால் இந்த வகை Product Key யிற்குரிய தொழில்நுட்ப உதவிகள் வழங்கப்படும். 

2. Retail Key

இதனை கணினிப் பாவணையாளர்கள் நேரடியாக கடைகளில் அல்லது Microsoft Store இலிருந்து வாங்க முடியும். ஒரு கணினியிலிருந்து நீக்கி (Uninstall) இன்னொரு கணினியில் பயன்படுத்த முடியும். ஆனால் ஒரே நேரத்தில் ஒரு கணினியில் மாத்திரம் பயன்படுத்த வேண்டும். இதன் விலை அதிகமானது. தொழில்நுட்ப உதவிகளை Microsoft நிறுவனம் வழங்கும். 

3. Volume License Key (VLK)

பாரிய நிறுவனங்கள், அரசாங்க நிறுவனங்கள், பல்கலைக் கழகங்கள், பாடசாலைகள் போன்றவற்றால் இவை மொத்தமாக வாங்கப்படுகின்றன.ஏனைய தனியாருக்கு இவ்வகையை மாற்ற முடியாது. இரண்டு முறைகளில் இவை செய்யப்படுகின்றன. நூற்றுக் கணக்கில் அல்லது ஆயிரக் கணக்கில் என்று அதிகமான கணினிகளை வைத்திருப்பவர்களுக்கு இவ்வகை பொருத்தமானது. Multiple Activation Key (MAK), Key Management Service (KMS) எனப்படும் இரண்டு முறைகளில் இவை செயற்படுத்தப்படுகின்றன. (Activation)

எமது கணினியில் என்ன வகையான Windows Product Key பயன்படுத்தப்பட்டுள்ளது என்பனை எவ்வாறு கண்டுபிடிப்பது?

சாவிப்பலகையில் (Keyboard) விண்டோஸ் சாவியையும் R ஐயும் அழுத்தி Command Prompt இற்குள் நுழைந்து கொள்ளுங்கள். வரும் விண்டோவில் slmgr /dli என்று Type செய்யுங்கள். வரும் Dialog Box இல் Discription என்பதில் இருக்கும் விடயத்தை அவதானியுங்கள். அதில் பின்வரும் மூன்று வகையான Key களில் ஒன்று காட்டப்படும். 

1. RETAIL channel

2. OEM_DM or OEM_SLP (Original Equipment Manufacturer)

3. VOLUME_MAK or VOLUME_KMSCLIENT

அதனைக் கொண்டு நீங்கள் பாவிக்கும் கணினியில் என்ன வகையான Windows Product Key பயன்படுத்தப்பட்டுள்ளது என்பதை அறிந்து கொள்ளலாம். 

உங்களுடைய Retail Key ஐ இன்னொரு கணினிக்கு எவ்வாறு மாற்றுவது. 

Command Prompt இல் slmgr /upkஎன வலிந  செய்யுங்கள். 'Product key Uninstalled successfully' எனும் செய்தி வரும். Registry இலிருந்து அழிப்பதற்காக Command Prompt இல் slmgr /cpky எனType செய்யுங்கள். 

பின்னர் முதலாவது கணினியில் என்ன வகை விண்டோஸ் பதிப்பு (Windows Version) நிறுவி இருக்கின்றீர்களோ அதே பதிப்பை நிறுவுங்கள். நிறுவலின் போது Windows Product Key யைக் கேட்டால் I don't have a product key என்பதை தெரிவு செய்யுங்கள். Windows ஐ நிறுவி முடிந்ததும் Settings > System > Activation ஊடாக நீங்கள் முதலாவது கணினியில் பாவித்த Windows Product Key யை வழங்குங்கள்.