01. Google NotebookLM
நீங்கள் ஆராய்ச்சி
ஒன்று செய்கிறீர்கள் என்று வைத்துக் கொள்வோம். அல்லது உங்களிடம் நிறைய கோப்புக்கள்
இருக்கின்றன என்று வைத்துக் கொள்வோம். அவற்றை எல்லாம் புரிந்து கொண்டு அதிலுள்ள
முக்கிய விடயங்களை தருவதற்கு ஒரு வழி இருந்தால் உங்கள் வேலை சுலபமாக இருக்குமல்லவா? அந்த வேலையை செய்கின்றது இந்த இணையத்தளம்.. பொதுவான விடயங்கள்
என்றில்லாது நாம் என்ன ஆவணங்களை இதில் தரவேற்றுகின்றோமோ அவற்றிலிருந்து மாத்திரம்
தகவலெடுத்து குறிப்பெடுத்துத் தரும் வேலையை இந்த சேவை செய்கின்றது.
· PDF கோப்புகள்
· இணையதளங்கள்
(Websites)
· YouTube காணொளி
இணைப்புகள்
· ஒலிக்
கோப்புகள்
· Google Docs/Google Slides
· Microsoft Word (.docx) கோப்புகள் மற்றும் Google Sheets
போன்ற பலவற்றை நாம் பதிவேற்றி அதிலுள்ள முக்கிய
தகவல்களை நாம் பெற்றுக் கொள்ளலாம்.
ஆராய்ச்சியாளர்கள், செயற்றிட்டங்களை தயாரிப்பவர்கள், மாணவர்கள், ஊடகவியலாளர் என்று பல்வேறு கோப்புகளின்
உள்ளடக்கங்களுடன் பணியாற்றுபவர்களுக்கு இந்த சேவை பயனுள்ளதாகும்.
இன்னுமொரு
விந்தையான விடயமொன்றையும் இது செய்கின்றது. நமது கோப்புக்களை ஆராய்ந்து பெற்றுக்
கொள்ளும் தகவல்களை வைத்து இரண்டு பேர் உரையாடும் உரையாடலை இது உருவாக்குகின்றது.
அதனையும் நாம் கேட்கலாம்.
02) Google Lumiere AI
செயற்கை
நுண்ணறிவை பயன்படுத்தி காணொளிகளை உருவாக்குவதற்கான கூகுள் நிறுவனத்தினால்
உருவாக்கப்பட உள்ள ஒரு இணைய மென்பொருள் தான் இந்த Lumiere ஆகும். இந்த அவசர உலகில்
நாங்கள் காணொளிகளை உருவாக்குவதற்கு அதிக நேரத்தை எடுத்துக் கொள்கின்றோம். ஆனால் எமது அவசரத்திற்கேற்ப மிக விரைவாக நாம்
வழங்கும் கட்டளைகளுக்கு ஏற்ப காணொளிகளை உருவாக்குவதற்குரிய சேவையை இந்த இணைய
மென்பொருள் வழங்க இருக்கின்றது. Google நிறுவனத்தினால் ஆய்வு கட்டுரை ஒன்றின் மூலம்
இது வெளிப்படுத்தப்பட்டிருக்கின்றது. இருந்தாலும்
இதனை தற்பொழுது பொதுமக்கள் பயன்படுத்த முடியாது. இது சம்பந்தமான
முன்னோட்டங்களை மேலதிக விபரங்களையும் https://lumiere-video.github.io இந்த இணையதளத்தில் நாம் காணலாம். இது எப்போது பொதுமக்களுக்கு சேவைகளை வழங்கும்
என்பது தொடர்பில் இன்னும் அறிவிக்கப்படவில்லை.
இது பின்வரும்
விதங்களில் காணொளிகளை உருவாக்குவதற்கு பயன்படுத்தப்படுகின்றது
·
Text-to-Video
நாம் வழங்கும்
எழுத்துக்களில் இருந்து காணொளிகளை உருவாக்கி
Image-to-Video
நாம் வழங்கும்
படங்களில் இருந்து காணொளிகளை உருவாக்குதல்
·
Stylized Generation
இஇந்த வசதியானது நாம் வழங்குகின்ற படம் அல்லது காணொளியானது எந்த வடிவமைப்பில் இருக்கின்றதோ அதே மாதிரியான காணொளிகளை படங்களை உருவாக்குவதற்கு இது பயன்படுத்தப்படுகின்றது.
·
Video Stylization
இது நாம் வழங்கும்
காணொளிகளை வித்தியாசமான வடிவங்களில் மாற்றித் தருகின்றது. உதாரணமாக எமது காணொளியை Wooden Blocks களால் ஆக்கப்பட்டது
போன்று அல்லது மடிக்கப்பட்ட Origami papers களால் ஆக்கப்பட்டது போன்று அல்லது
Toys Brics
களால் ஆக்கப்பட்டது போன்று அல்லது பூக்களால்
ஆக்கப்பட்டது போன்று இது உருவாக்கி தருகின்றது.
Cinemagraphs
இந்த முறையில் நாம் படம் ஒன்றை தரவேற்றம் செய்து அதில் குறிப்பிட்ட ஒரு பகுதியை சதுர வடிவில் தெரிவு செய்து காட்டுவதன் மூலமாக அந்தக் குறிப்பிட்ட பகுதிக்கு மட்டும் அசைவூட்டுங்களை உருவாக்குவதற்கு இந்த முறை பயன்படுத்தப்படுகின்றது.
காட்டப்பட்டுள்ள படத்தில் வண்ணத்துப்பூச்சி மாத்திரம் தெரிவு செய்யப்பட்டு அந்த வண்ணத்துப்பூச்சிக்கு மாத்திரம் அனிமேஷன் வழங்கப்பட்டுள்ளது.
Video Inpainting
காணொளி ஒன்றை தரவற்றம் செய்து, அதில் குறிப்பிட்ட ஒரு பகுதியில் மட்டும் சில வித்தியாசமான மாற்றங்களை செய்வதற்கு இந்த முறை பயன்படுத்தப்படுகின்றது.
03. Google Imagen 3
நாம் எழுத்து (Text) மூலம் வழங்கும் கட்டளைகளில் இருந்து படங்களை (Images) உருவாக்கி தருவதற்கான வழிமுறை இதுவாகும். Google Gemini AI யில் Thinking Model ஐ நாம் தெரிவு செய்து அதில் Imagen 3 யை நாம் பயன்படுத்த முடியும்.
04. Google Whisk
நாம் வழங்கும் எழுத்து மூலமான கட்டளைகளை பயன்படுத்தி படங்களை உருவாக்கும் தொழில்நுட்பம் பற்றி எங்களுக்கு தெரியும். ஆனால் இந்த சேவையானது மிகவும் வித்தியாசமான முறையில் படங்களை உருவாக்கித் தருகின்றது மூன்று வகையான புகைப்படங்கள் அல்லது படங்களை நாம் தரவேற்றிய பின்னர் அது தொடர்பான கட்டளைகளை நாம் டைப் செய்தால் அந்த மூன்று படங்களையும் வைத்து புதிய ஒரு படம் ஒன்றை இம்முறை மூலம் நாம் ஆக்கிக் கொள்ள முடியும்.
Subject என்ற பிரிவில் மனிதர் அல்லது விலங்கு போன்ற ஒரு படத்தையும் Scene என்ற பிரிவில் பிண்ணனிக்குரிய ஒரு ஒரு படத்தையும் Style என்ற பிரிவில் என்ன வகையான Style இல் படம் வர வேண்டுமோ அது போன்ற ஒரு படத்தையும் நாம் தரவேற்றம் செய்து அவற்றிலிருந்து புதிய ஒரு படம் ஒன்றை நாம் உருவாக்கிக் கொள்ள முடியும்
05. Google Opal
தொழில்நுட்ப அறிவு உள்ளவர்களும் தொழில்நுட்ப அறிவற்றவர்களும் தங்களுக்குத் தேவையான சிறிய மென்பொருட்களை உருவாக்கிக் கொள்வதற்கு இந்த Opal உதவுகின்றது. No Coding முறையில் நாம் எங்களுக்கு தேவையான சிறிய மென்பொருட்களை இதன் மூலம் உருவாக்கிக் கொள்ள முடியும். தொழில்நுட்ப அறிவு இல்லாதவர்கள் மற்றும் Codeகளை பயன்படுத்தி தெரியாதவர்கள் தங்களுக்கு தேவையான சிறிய வகை மென்பொருட்களை உருவாக்குவதற்கு இது மிகவும் பிரயோசனமான ஒன்றாக காணப்படுகின்றது.
06) Google AI Studio
Google AI Studio என்பது Gemini உட்பட google இன் அதிநவீன செயற்கை நுண்ணறிவு Model பயன்படுத்தி மென்பொருட்களை உருவாக்குவதற்கும் பரிசோதிப்பதற்கும் உதவும் ஓர் இணையத்தளமாகும். இது ஒரு சோதனைக்குரிய ஒரு இடம் Developers மற்றும் ஏனையவர்களும் வந்து தங்களுக்கு தேவையான கட்டளைகளை கொடுத்து அதன் முடிவுகளை உடனடியாக பார்க்கலாம். ஒரு யோசனையை கொடுத்தால் அதற்குத் தேவையான கோடிங்கை கூட உடனடியாக பெற்று தாங்கள் உருவாக்குகின்ற செயலிகளில் , மென்பொருட்களில் பயன்படுத்திக் கொள்ளலாம். Geminiயை அடிப்படையாகக் கொண்டு இது இயங்குகின்றது.
07) Mixboard
நாம் வழங்குகின்ற கருத்துக்களுக்கு உரிய அல்லது கருத்துக்களுடன் தொடர்பு பட்ட பொருத்தமான படங்களை தருகிறது.
Pomelli, Veo 3.1 போன்றவையும் Google நிறுவனத்தினுடையவையாகும்.
