- மலையகத்திற்கான பல்கலைக் கழகம் அமைக்கும் இடம் கொட்டகலையில் ஒதுக்கப்பட்டுள்ளதாகவும், மலையகத்திற்கான தனி வீட்டுத் திட்டம் ஜனவரியில் ஆரம்பிக்கப்பட இருப்பதாகவும் இராஜாங்க அமைச்சர் ஜீவன் தொண்டமானால் அறிவிக்கப்பட்டது.
- சீனன்குடா விமானப்படைத்தளத்திலிருந்து பயணித்த இலங்கை விமானப் படையின் பயிற்சி விமானம் கந்தளாய் பகுதியில் விபத்துக்குள்ளானதில் அதன் விமானி உயிரிழந்தார்.
- உலக சுகாதார ஸ்தாபனமும் ஐரோப்பிய ஒன்றியமும் இணைந்து இலங்கைக்கு 2 மில்லியன் யூரோவை நன்கொடையாக வழங்கியுள்ளன. இலங்கையில் கொரோனா பாதிப்புகளை குறைப்பதற்காக இந்நிதி வழங்கப்பட்டுள்ளது.
- முதலாவது லங்கா பிரிமியர் லீக் போட்டியில் ஜப்னா ஸ்டாலியன் அணி வெற்றி பெற்றது. இதில் தொடரின் நாயகனாக வனிது ஹசரங்கவும் இறுதிப் போட்டியின் நாயகனாக சொயிப் மலிக்கும் தெரிவானார்கள்.
- இலங்கையில் புதிய கரையோரப் பறவையொன்று கண்டுபிடிக்கப்பட்டது. அதற்கு ஹனுமன் ப்லோவர் எனப் பெயரிடப்பட்டது.
- அநுராதபுரம் ஜேதவன தொல்பொருள் அருங்காட்சியகம் பிரதமர் மஹிந்த ராஜபக்சவினால் திறந்து வைக்கப்பட்டது. ஜேதவனராம வளாகத்தில் மேற்கொள்ளப்பட்ட அகழ்வாராய்ச்சிகளில் கண்டுபிடிக்கப்பட்ட தொல்பொருட்கள் இங்கு வைக்கப்பட்டுள்ளன.
- சிங்களப் பாடகர் ஷெல்டன் முத்துனமகே தன்னுடைய 73 ஆவது வயதில் நீர்கொழும்பில் காலமானார்.
- நிலவில் சீனாவின் தேசியக் கொடி பறக்க விடப்பட்டது. சீனாவின் தேசியக் கொடி பறக்கும் படத்தை சீன தேசிய விண்வெளி நிர்வாகம் வெளியிட்டது. இந்தப் படங்கள் நிலவின் பாறை மாதிரிகளை சேகரித்த சாங்கே 5 (Chang'e 5) என்ற விண்கலத்தினால் எடுக்கப்பட்டமை குறிப்பிடத்தக்கது.
- எவரஸ்ட் சிகரத்தின் உயரம் 8848.86 மீற்றர் அதாவது 29032 அடி என்று சீனாவும் நேபாளமும் இணைந்து கூட்டாக அறிவித்தன.சீனாவுக்கும் நேபாளத்திற்கும் இடையில் அமைந்திருக்கும் இந்த சிகரத்தின் உயரம் தொடர்பாக கருத்து முரண்பாடுகள் நிலவி வந்தமை குறிப்பிடத்தக்கது.
- அமெரிக்காவில் கொரோனா காரணமாக ஒரு நாளில் இறப்பவர்களின் எண்ணிக்கை 3309 ஐ எட்டியது.
- பைசர் பயோ என்டெக் கொரோனா தடுப்பு மருந்து பொதுமக்களுக்கு விநியோகிக்கும் நடவடிக்கை அமெரிக்காவில் ஆரம்பமானது. அத்தோடு மொடர்னா நிறுவனம் தயாரித்த கொவிட் 19 தடுப்பு மருந்தை விநியோகிக்கும் நடவடிக்கைகளும் ஆரம்பமாகின.
- ஈரான் அரசுக்கு எதிராக 2017இல் இடம் பெற்ற போராட்டங்களைத் தூண்டியதாக குற்றம் சாட்டப்பட்ட ஊடகவியலாளர் ருஹோல்லா ஸாம் தூக்கிலிடப்பட்டார்.
- நைஜீரியாவில் போஹோ ஹராம் ஆயுதக் குழுவால் கடத்தப்பட்ட மாணவர்களுள் 344 பேர் விடுதலை செய்யப்பட்டனர்.
- உலகளாவிய ரீதியில் கொரோனா தொற்றக்குள்ளானோரின் எண்ணிக்கை 75 மில்லியனைத் தாண்டியது.
- புதியவகை கொரோனா நோய் பிரிட்டனில் கண்டு பிடிக்கப்பட்டதைத் தொடர்ந்து லண்டன், மற்றும் இங்கிலாந்தின் தென் கிழக்குப் பகுதி ஆகிய பிரதேசவாசிகள் வீட்டில் தங்கியிருக்கும் கட்டளையை பிரிட்டனின் பிரதமர் மொரிஸ் ஜோன்ஸன் விடுத்தார்.
- நேபாள பிரதமர் கே.பி ஷர்மா ஒலி, நேபாளத்தின் பாராளுவமன்றம் கலைக்கப்பட வேண்டும் எனக் கோரியதை அடுத்து குடியரசுத் தலைவர் வித்தியா தேவி பண்டாரி நேபாள பாராளுவமன்றத்தைக் கலைத்தார். பிரதமருக்கும் ஆளுங்கட்சியான நேபாளக் கம்யுனிசக் கட்சிக்கும் இடையில் கருத்து முரண்பாடுகள் ஏற்பட்டிருந்தமை குறிப்பிடத்தக்கது.
- பிரிட்டனில் பரவிய புதிய வகைக் கொரோனா ஜேர்மனியிலும் அடையாளம் காணப்பட்டது.
- 2030 ஆம் ஆண்டுக்கான ஆசிய விளையாட்டுப் போட்டியை நடாத்தும் நாடாக கட்டார் தெரிவானது. 2034 ஆம் ஆண்டில் சவுதியில் ஆசிய விளையாட்டுப் போட்டிகள் நடைபெறவுள்ளன. இதே வேளை 2022 ஆம் ஆண்டில் சீனாவிலும் 2026 ஆம் ஆண்டில் ஜப்பானிலும் ஆசிய விளையாட்டுப் போட்டிகள் நடைபெறவுள்ளமை குறிப்பிடத்தக்கது.
- பார்ஸிலோனா கால்பந்து அணி வீரர் லயனல் மெஸ்ஸி 644 கோல்களை அடித்து, பிரேஸிலின் கால்பந்து வீரர் பீலே யின் கோல்களை சமன் செய்தார். பார்ஸிலோனா அணிக்கும் வெலன்ஸியா அணிக்கும் இடையிலான போட்டியிலேயே பீலேயின் கோல்களை மெஸ்ஸி சமன் செய்தார்.
- போர்மியுலா 01 போட்டித் தொடரின் 15 ஆவது சுற்றில் இங்கிலாந்தின் லீவிஸ் ஹமில்டன் வெற்றி பெற்றார்.
